IKASTURTEARI AMAIERA PAREGABEA ZUMADIA ESKOLAN! - Zumadia - Ikasnova

Azken egunetako bi ekintza bereziek itxiera ederra eman diote ikasturteari, seigarren mailako ikasleen agurrarekin borobilduta

Joan den ekainaren 19a eta 20a agurretarako egunak izan ziren Zumadia Eskolan. Urtero bezala, Abartzuzako igerilekura joateko probestu genuen asteazkenarekin eta, seigarren mailako ikasleen agurra izan genuen ikasturteko azken egunean, ostegunean.

Emozioz, malkoz, irrifarrez eta alaitasunez beteriko azken agur honetan, ikasmaila bakoitzak bere agur pertsonalizatua eskaini zien jadanik eskola utzi duten 8 ikasleei. Haur Hezkuntzako ikasleek kantaz, bideoz eta dantzaz blaitu zuten momentu hunkigarri hura. Lehen Hezkuntzako lehen ikasleek, ordea, artelan bat eskaini zieten. Bigarren, hirugarren eta laugarren mailako ikasleek antzerkiak prestatu zituzten eta bosgarren mailako ikasleek kanta pertsonalizatuak egin zituzten. Honez gain, seigarren mailako ikasleek Euskararen Historioa deituriko antzezlana burutu zuten.

Balio dezatela, hortaz, lerro hauexek ikasturteari itxiera emateko eta datorren ikasturtean eskolan egongo ez diren ikasleei besarkadarik goxoena luzatzeko. Hau beti izango da zuen etxea!